రూ.15 మందును రూ.250కి అమ్ముతారా?

ఈ ఔషధ ధరల దోపిడీని సమర్థిస్తారా? కేంద్రాన్ని నిలదీసిన సుప్రీంకోర్టు ధరలను నియంత్రించాలని కోరుతూ దాఖలైన పిటిషన్లపై తీర్పు వాయిదా మీ కళ్ల ముందే అంతా జరుగుతోందని తీవ్రంగా ఆక్షేపించిన ధర్మాసనం

దిల్లీ: ఔషధాల విషయంలో వ్యాపారులకు సరఫరా చేసే ధరకు, రోగులకు విక్రయించే గరిష్ఠ చిల్లర ధర(ఎమ్మార్పీ)కి మధ్య భారీ వ్యత్యాసం ఎందుకు ఉంటుందని, ఆ వ్యత్యాసం మొత్తం ఎక్కడికి వెళ్తోందని సుప్రీంకోర్టు ప్రశ్నించింది. ‘అధిక ధరల దోపిడీని ఇష్టానుసారంగా చెలరేగిపోనివ్వాల్సిందేనా? దీనిని మీరు ఎలా సమర్థించుకుంటారు?’ అని జస్టిస్‌ విక్రమ్‌నాథ్, జస్టిస్‌ సందీప్‌ మెహతా ధర్మాసనం కేంద్ర ప్రభుత్వాన్ని నిలదీసింది. ‘ఔషధాలను వాస్తవిక ధర కన్నా అధిక మొత్తాలకు విక్రయించడం ప్రభుత్వం కళ్ల ముందే జరుగుతోంది. అయినా ప్రభుత్వం దానిని అలా కొనసాగనిస్తోంది’ అంటూ మండిపడింది. దేశంలో ఔషధాల ధరలను నియంత్రించేలా ఆదేశాలివ్వాలని, రోగులకు…