సాగర్‌ కాలువలో రసాయనాల పారబోత

పెద్దవూర, నవంబర్‌ 1: నాగార్జునసాగర్‌ వరద కాలువలో గుర్తుతెలియని దుండగులు ప్రమాదకరమైన రసాయనాలను పారబోసిన ఘటన నల్లగొండ జిల్లా పెద్దవూర మండల వ్యాప్తంగా తీవ్ర కలకలం రేపింది. ఆదివారం తెల్లవారుజామున 5:30 గంటల సమయంలో మండలంలోని చింతపల్లి సమీపంలో గల బసిరెడ్డిపల్లి ప్రాంతంలో కాలువలో ప్రవహిస్తున్న నీరు ఒకసారిగా ఎరుపు రంగులోకి మారి జిడ్డుగా ఉండటంతోపాటు ఘాటు వాసన రావడాన్ని గమనించిన స్థానికులు వెంటనే పోలీసులకు సమాచారం అందించారు. శనివారం అర్ధరాత్రి సమయంలో గుర్తుతెలియని వ్యక్తులు రసాయన వ్యర్థాలను కాలువ నీటిలోకి పారబోసి ఉంటారని ప్రాథమికంగా భావిస్తున్నారు.

నీరు ఎరుపు రంగులోకి మారడంతోపాటు పరిసర ప్రాంతాల్లో వాసన వ్యాపించిందని స్థానికులు చెప్తున్నారు. కాలువ నీటిపైనే ప్రత్యక్షంగా, పరోక్షంగా ఆధారపడే వేలాది మంది ప్రజలు, రైతాంగం, మూగజీవాల భద్రతపై తీవ్రమైన భయాందోళనలు నెలకొన్నాయి. ప్రజలు, రైతులకు ఎలాంటి ప్రాణహాని, తీవ్ర ఆరోగ్య సమస్యలు తలెత్తకుండా సంబంధిత శాఖల అధికారులు తక్షణ చర్యలు చేపట్టాలని కోరుతున్నారు. ఈ ఘటనపై లోలెవల్‌ కెనాల్‌ ఏఈ, పెద్దవూర ఎస్సై గోపాలరావు స్పందిస్తూ కాలువలో ప్రమాదకర రసాయనాలు పారబోసిన వారిని త్వరలో గుర్తిస్తామని చెప్పారు. కోణాల్లో సమగ్ర విచారణ జరుపుతున్నట్టు తెలిపారు. పరిసర ప్రాంతాలతో పాటు రహదారుల్లో ఉన్న సీసీటీవీ కెమెరాల ఫుటేజీలను…