సబ్‌ కలెక్టర్‌ కార్యాలయాన్ని ముట్టడించిన మహిళలు

నవరంగపూర్: నవరంగ్‌పూర్‌ జిల్లాకు చెందిన వేలమంది మహిళలు సబ్ కలెక్టర్ కార్యాలయం వద్ద కర్రలు పట్టుకొని బుధవారం ఆందోళనకు దిగారు. సీపీఐ నేత, మహిళ సంఘ సలహాదారుడు రాజేశ్‌ జానీ అరెస్ట్‌పై వారు ఆగ్రహం వ్యక్తం చేశారు. రాజేశ్‌ను విడుదల చేసేవరకు ఆందోళన కొనసాగిస్తామని వెల్లడించారు. వారికి మద్దతుగా బిజద నేత ప్రదీప్ మాఝి, కాంగ్రెస్ నేత లిపికా మాఝి ఆందోళనలో పాల్గొన్నారు. సబ్ కలెక్టర్ ప్రకాష్ మిశ్రా ఆదేశాలతో టెంటులికుంటి పోలీసులు రాజేశ్‌ను అరెస్టు చేసిన విషయం తెలిసిందే. జిల్లాలో మద్యం విక్రయాలు నిలిపి వేయాలంటూ రాజేష్ నేతృత్వంలో పెద్ద ఎత్తున మహిళలు ఆందోళనకు దిగారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.