సంక్షిప్త వార్తలు (3)

ఆర్జీయూకేటీ విద్యార్థులకు దసరా సెలవుల పొడిగింపు

ముథోల్, న్యూస్‌టుడే: నిర్మల్‌ జిల్లాలోని బాసర ఆర్జీయూకేటీ విద్యార్థుల (పీయూసీ 1 నుంచి ఇంజినీరింగ్‌ 4 వరకు) దసరా సెలవులను పొడిగించినట్లు విశ్వవిద్యాలయ అకడమిక్‌ విభాగ బాధ్యులు బుధవారం రాత్రి ఒక ప్రకటనలో తెలిపారు. ‘‘ఎల్‌నినో ప్రభావంతో ఏర్పడిన అసాధారణ పరిస్థితుల దృష్ట్యా విద్యార్థుల సంక్షేమాన్ని దృష్టిలో పెట్టుకొని విశ్వవిద్యాలయంలో విద్యా, వికాస కార్యకలాపాలు సజావుగా సాగేందుకు వీలుగా దసరా సెలవుల తర్వాత తరగతుల ప్రారంభాన్ని మరికొన్ని రోజులు వాయిదా వేస్తున్నాం. పునఃప్రారంభ తేదీలను త్వరలో తెలియజేస్తాం. విద్యార్థులు, తల్లిదండ్రులు సహకరించాలి’’ అని వారు కోరారు.