సముద్రంలో స్నానానికి దిగి గల్లంతైన చిన్నారి మృతదేహం లభ్యం

తొండంగి: మండలంలోని పెరుమాళ్లపురం సముద్రతీరంలో గల్లంతైన యశ్వంతిక (12) మృతదేహం లభ్యమైంది. శుక్రవారం సాయంత్రం యు. కొత్తపల్లి మండలం ఎండపల్లి ఎండపల్లి గ్రామానికి చెందిన చీకట్ల యశ్వంతిక (12) మరో 9 మంది గొల్లప్రోలు మండలం దుర్గాడ పుట్టినరోజు వేడుకలకు హాజరయ్యారు. అనంతరం పెరుమాళ్లపురం సముద్రతీరానికి స్నానాలు చేసేందుకు వెళ్లి నలుగురు గల్లంతైన విషయం తెలిసిందే. వెంటనే ముగ్గురిని సమీపంలో ఉన్న మత్స్యకారులు కాపాడి ఒడ్డుకు చేర్చారు. గల్లంతైన యశ్వంతిక కొత్త చౌడిపల్లి పేట సముద్ర తీరం వద్ద శనివారం ఉదయం శవమై కనిపించింది. మృతదేహాన్ని పోలీసులు పంచనామ నిమిత్తం తుని ఏరియా ఆసుపత్రికి తరలించారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.