సర్పంచ్ సంతకం లేకుండానే ఇందిరమ్మ ఇళ్ల మంజూరు

– సింగ‌రేణి మండ‌లం గంగారంతండాలో ఘ‌ట‌న‌ – అర్హత లేని వారికి ఇళ్ల కేటాయింపుపై సర్పంచ్ కిరణ్ తీవ్ర అభ్యంతరం – మాజీ మంత్రి హరీశ్‌రావును కలిసిన సర్పంచ్ – కలెక్టర్ స్పందించకుంటే న్యాయపోరాటం చేస్తాం

కారేపల్లి, నవంబర్ 05 : ఇందిరమ్మ ఇళ్ల మంజూరు వ్యవహారం సింగరేణి మండలం గంగారంతండా గ్రామంలో వివాదానికి దారితీసింది. గ్రామసభ తీర్మానాల్లో సర్పంచ్ ప్రమేయం లేకుండానే కాంగ్రెస్ పార్టీ నాయకులు ప్రతిపాదనలు రూపొందించి అధికారులకు సమర్పించడం, వాటిని అధికారులు ఆమోదించి విచారణ చేపట్టడంపై గ్రామ సర్పంచ్ కిరణ్ తీవ్ర అభ్యంతరం వ్యక్తం చేశారు. సర్పంచ్‌ను పక్కనపెట్టి గ్రామంలో కీలక నిర్ణయాలు తీసుకోవడం ఎంతవరకు సమంజసమని ఆయన ప్రశ్నించారు. ఇప్పటికే ఇళ్లు ఉన్న కుటుంబాలకు చెందిన వ్యక్తుల పేర్లను సైతం ఇళ్ల మంజూరు జాబితాలో చేర్చేందుకు తీర్మానాలు చేశారని ఆవేదన వ్యక్తం చేశారు. సర్పంచ్, పంచాయతీ కార్యదర్శికి కనీస సమాచారం…