సర్పంచులుగా స్నేహితులు.. నేడు జడ్పీటీసీలుగా ప్రత్యర్థులు

టేకుమూడి సుజాత , యల్లమిల్లి సతీష్‌కుమారి

ద్రాక్షారామ, న్యూస్‌టుడే: రామచంద్రపురం మండలం నుంచి ప్రధాన పార్టీల తరఫున జడ్పీటీసీ అభ్యర్థులుగా పోటీపడుతున్న ఇద్దరు మహిళలు గతంలో సర్పంచులుగా పనిచేశారు. తెదేపా నుంచి బరిలోకి దిగుతున్న టేకుమూడి సుజాత వెలంపాలెం సర్పంచిగా, వైకాపా నుంచి బరిలోకి దిగుతున్న యల్లమిల్లి సతీష్‌కుమారి వెంకటాయపాలెం సర్పంచిగా పనిచేశారు. వీరిద్దరూ గతంలో ఒకేపార్టీలో ఉండటంతో రాజకీయ కార్యక్రమాలు, విందులకు ఒకే కారులో కలిసి వెళ్లేవారు. ప్రస్తుతం జడ్పీటీసీ స్థానం బీసీ మహిళకు కేటాయించడంతో ఆ వర్గానికి చెందిన ఇద్దరు రిజర్వేషన్లను అందిపుచ్చుకొని ప్రధాన పార్టీల తరఫున పోటీకి దిగారు.