సీఎం.. సమయపాలనేదీ?

హైదరాబాద్‌, నవంబర్‌ 5 (నమస్తే తెలంగాణ) : పరిపాలనలో ప్రతి నిమిషం విలువైనదే. రాష్ర్టానికి పాలనాధికారిగా ఉన్న ముఖ్యమంత్రి ఈ నియమం విధిగా పాటించాలి. బాధ్యతగా మెలగాల్సి ఉంటుంది. మంత్రులు, ఉన్నతాధికారులతో నిర్వహించే కీలక సమావేశాల విషయంలోనైనా నిర్ణీత సమయానికి హాజరై తన చిత్తశుద్ధిని చాటుకోవాలి. కానీ ముఖ్యమంత్రి రేవంత్‌రెడ్డి టైమింగ్‌ అందుకు భిన్నంగా ఉండటంపై విమర్శలు వ్యక్తమవుతున్నాయి. ఇప్పటికే చాలాసార్లు సమావేశాలకు అలస్యంగా వచ్చిన సీఎం.. మరోసారి తన అలవాటును యథాతథంగా అమలుచేశారు. గురువారం సచివాలయంలో క్యాబినెట్‌ సమావేశానికి గంట ఆలస్యంగా వచ్చారు. మంత్రులు, అధికారులంతా పడిగాపులు కాస్తూ.. సీఎం ఇంకెప్పుడు…

గ్లోబల్‌ సమ్మిట్‌పై చర్చించేందుకు గురువారం మధ్యాహ్నం 3గంటలకు ఇన్‌ఫార్మల్‌ క్యాబినెట్‌ మీటింగ్‌, 4గంటలకు క్యాబినెట్‌ సమావేశం ఉంటుందని బుధవారం సీఎస్‌ సంజయ్‌ జాజు ఉత్తర్వులిచ్చారు. కానీ రేవంత్‌రెడ్డి తీరిగ్గా 4గంటలకు జూబ్లీహిల్స్‌లోని తన ఇంటి నుంచి బయల్దేరారు. దీంతో 5గంటలకు గ్లోబల్‌ సమ్మిట్‌ చర్చల కోసం మీటింగ్‌ ప్రారంభమైంది.