సిద్దిపేట జిల్లా: చిట్టీల పేరుతో రూ.1.50 కోట్ల లూటీ..బాధితులకు ఐపీ నోటీసులు

చేర్యాల, వెలుగు: నమ్మకంతో చిట్టీలు వేసిన పేద, మధ్యతరగతి కుటుంబాలకు ఓ చిట్టీల నిర్వాహకుడు ఐపీ నోటీసులు పంపించి షాక్‌‌‌‌‌‌‌‌ ఇచ్చాడు. సుమారు 50 మంది నుంచి రూ.1.50 కోట్ల వరకు వసూలు చేసి మోసం చేసినట్లు బాధితులు ఆరోపిస్తున్నారు.

సిద్దిపేట జిల్లా చేర్యాల పట్టణంలోని బీడీ కాలనీకి చెందిన మహ్మద్‌‌‌‌‌‌‌‌ అజీజ్‌‌‌‌‌‌‌‌ అహ్మద్‌‌‌‌‌‌‌‌ కొన్నేళ్లుగా చిట్టీల వ్యాపారం నిర్వహిస్తున్నాడు. ఆయన వద్ద కూలీలు, వృద్ధులు, పేద, మధ్యతరగతి కుటుంబాలకు చెందిన సుమారు 50 మంది చిట్టీలు వేశారు.