తమిళ జాలర్ల మృతిపై చంద్రబాబు, పవన్‌ విచారం

అమరావతి: ప్రకాశం జిల్లా కొత్తపట్నం వద్ద బోటు మునిగి తమిళనాడుకు చెందిన జాలర్ల మృతి ఘటనపై సీఎం చంద్రబాబు (Chandrababu), డిప్యూటీ సీఎం పవన్‌కల్యాణ్‌ (Pawan Kalyan), మంత్రి అనిత విచారం వ్యక్తం చేశారు. మృతుల కుటుంబాలకు తమ ప్రగాఢ సానుభూతి తెలిపారు. గల్లంతైన మరో ఇద్దరి ఆచూకీ కోసం గాలింపు ముమ్మరం చేయాలని అధికారులను సీఎం ఆదేశించారు.

తుపాను కారణంగా తలెత్తిన ప్రతికూల వాతావరణ పరిస్థితుల వల్లే ఈ ప్రమాదం జరిగిందని మంత్రి అనిత అన్నారు. కోస్ట్‌గార్డ్, మెరైన్ పోలీసులు సమన్వయంతో పనిచేసి.. గాలింపు చర్యలను వేగవంతం చేయాలని ఆదేశించారు.