తెలంగాణ జైళ్ల శాఖ విన్నూత కార్యక్రమం. ఖైదీల కోసం ఆటలు, వినోదం..చర్లపల్లి సహా అన్ని జైళ్లకు ULLASAM

హైదరాబాద్: ఖైదీల మానసిక ఆరోగ్య పరిరక్షణ, వారిలో సానుకూల ఆలోచనలు పెంపొందించడమే లక్ష్యంగా తెలంగాణ జైళ్ల శాఖ ప్రత్యేక కార్యక్రమానికి శ్రీకారం చుట్టింది. ఖైదీల్లో ఆనందం, ఉత్సాహం, మానసిక ప్రశాంతత పెంచేందుకు ‘ULLASAM’ పేరుతో వినూత్న కార్యక్రమాన్ని ప్రారంభించింది. చంచల్‌గూడ కేంద్ర కారాగారం, మహిళా ప్రత్యేక కారాగారంలో ఈ కార్యక్రమాన్ని జైళ్ల శాఖ డీజీ డాక్టర్ సౌమ్య మిశ్రా ప్రారంభించారు.

జైళ్లలో శిక్ష అనుభవిస్తున్న ఖైదీల్లో మానసిక ఒత్తిడి, నిరాశ, ప్రతికూల ఆలోచనలను తగ్గించడంతో పాటు స్వీయహాని, ఆత్మహత్యా ప్రవృత్తులను నియంత్రించడమే ఈ కార్యక్రమ ప్రధాన ఉద్దేశమని అధికారులు తెలిపారు. ఖైదీలకు కేవలం శారీరక వ్యాయామాలే కాకుండా వినోదం, క్రీడలు, సృజనాత్మక కార్యక్రమాల ద్వారా మానసిక ఉల్లాసాన్ని అందించేందుకు ప్రత్యేక ఏర్పాట్లు చేశారు.