తెలంగాణలో దసరా దావత్.. ప్రత్యేకంగా విందు ఏర్పాట్లు

తెలంగాణలో దసరా దావత్‌‌కు ప్రత్యేక స్థానం ఉంది. పండుగ రోజు కుటుంబ సభ్యులు, బంధువులు, స్నేహితులంతా ఒకచోట చేరి ఇష్టమైన వంటకాలను ఆస్వాదిస్తారు. కొన్నిచోట్ల స్నేహితులు, ఆత్మీయుల కోసం ప్రత్యేకంగా విందులు ఏర్పాటు చేస్తారు.మాంసాహార ప్రియుల కోసం మటన్‌‌ కర్రీ, చికెన్‌‌ వేపుడు, బిర్యానీ, చేపల పులుసు వంటి వంటకాలు సిద్ధం చేస్తారు.

మరోవైపు శాకాహార వంటకాలతోనూ పండుగ భోజనం ఘుమఘుమలాడుతుంది. పప్పులు, పులుసులు, రకరకాల కూరలు, పాయసం వంటి తీపి పదార్థాలతో విందు సంపూర్ణమవుతుంది. ప్రాంతాన్ని బట్టి వంటకాల తీరు మారినా.. అందరూ కలిసి భోజనం చేయడంలోని ఆనందం మాత్రం ఒక్కటే.