తెలంగాణలో పెట్టుబడులు డబుల్ చేయండి: ఇన్వెస్టర్లకు సీఎం రేవంత్ కీలక పిలుపు

న్యూఢిల్లీ: తెలంగాణలో పెట్టుబడులు పెట్టాలని భావిస్తున్న సంస్థలు తమ ప్రణాళికలను రెట్టింపు చేయాలని సీఎం రేవంత్ రెడ్డి కోరారు. ఇన్వెస్టర్లకు ఎలాంటి మౌలిక వసతులు లేదా మద్దతు కావాలన్నా అందించడానికి తమ ప్రభుత్వం సిద్ధంగా ఉందని భరోసా ఇచ్చారు. హైదరాబాద్ సమీపంలో నిర్మిస్తున్న భారత్ ఫ్యూచర్ సిటీలో 2026, డిసెంబర్ 7 నుంచి 9 వరకు ఇన్వెస్ట్ తెలంగాణ గ్లోబల్ సమ్మిట్ జరగనుందని తెలిపారు. ఈ సదస్సు ద్వారా తెలంగాణ ప్రతిష్ఠ అంతర్జాతీయ స్థాయికి చేరుతుందని ఆశాభావం వ్యక్తం చేశారు.

గురువారం (అక్టోబర్ 29) ఢిల్లీలో ఇన్వెస్ట్ తెలంగాణ గ్లోబల్ సమ్మిట్ 2026 కర్టెన్ రైజర్ కార్యక్రమం నిర్వహించారు. ఈ కార్యక్రమంలో సీఎం రేవంత్ పాల్గొని ప్రసంగించారు. తెలంగాణలో పెట్టుబడుల విషయంలో ఎలాంటి జాప్యం కానీ.. విధానపరమైన స్తబ్దత కానీ లేదని స్పష్టం చేశారు. పెట్టుబడిదారులకు తమ ప్రభుత్వం నుంచి పూర్తి సహకారం ఉంటుందని హామీ ఇచ్చారు.