The Pearl: ఆశ, దురాశల మధ్య...

కినో ఒక పేద మత్య్సకారుడు. సముద్రంలో ముత్యాల వేటకు వెళ్తుంటాడు. భార్య, నెలల పసిబిడ్డలే అతడి ప్రపంచం. ఒకరోజు ఉయ్యాలలోని పసివాణ్ని తేలు కరుస్తుంది. కంగారు పడిన భార్యాభర్తలు ఉన్నపళంగా బిడ్డను డాక్టరు దగ్గరికి తీసుకెళ్తారు. వాళ్ల బీదరికాన్ని గమనించిన డాక్టరు, తాను లేనని చెప్పి వైద్యం చేయకుండా పంపించేస్తాడు. కనీసం బిడ్డ చికిత్సకు సరిపోయే ముత్యాలన్నా దొరికితే బాగుండని వేటకు వెళ్తాడు కినో. ఊహించని విధంగా అద్భుతమైన పెద్ద ముత్యం లభిస్తుంది. దాంతో తన కష్టాలన్నీ తీరిపోతాయని సంతోషంగా ఇల్లు చేరతాడు. కినోకి పెద్ద ముత్యం దొరికిందన్న వార్త ఊరంతా తెలిసిపోతుంది. అతడికి అదృష్టం కలిసొచ్చిందని అందరూ పొగుడుతారు. ఆ…

ఇక అప్పట్నుంచి మొదలవుతాయి కినో కష్టాలు. అతడి దగ్గర నుంచి ముత్యాన్ని దొంగిలించడానికి దొంగలు, అదంత విలువైంది కాదని చెప్పి అతణ్ని మోసం చేయాలని వ్యాపారులు ప్రయత్నిస్తారు. దాంతో నగరానికి వెళ్లి అమ్ముదామనుకుంటాడు కినో. జరుగుతున్న పరిణామాలన్నిటికీ ముత్యమే కారణమని దాన్ని పారేయబోతుంది భార్య. తమ కష్టాలు తీర్చే ఏకైక మార్గం అదేనని ఆమెను కొట్టి మరీ దాన్ని లాక్కుంటాడు కినో. వాళ్లున్న ఇంటికి నిప్పు పెడతారు దుండగులు. నగరానికి వెళ్దామని బయల్దేరితే అప్పటికే వాళ్ల పడవను ఎవరో ధ్వంసం చేసేస్తారు. అడవిలో తలదాచుకున్న వారిమీద దొంగలు దాడిచేస్తారు. ఆ దాడిలో పసిబిడ్డను కోల్పోతారు కినో దంపతులు. ముత్యం కారణంగా బిడ్డతో…