Transport Department | వాహన దారులకు పారదర్శక సేవలు : రవాణా శాఖ

హైదరాబాద్ : కేంద్ర విజిలెన్స్ కమిషన్ (CVC) పిలుపు మేరకు విజిలెన్స్ అవగాహన వారోత్సవం తెలంగాణ రవాణా శాఖ (Transport Department) , అవినీతి నిరోధక శాఖ( ACB ) సంయుక్త ఆధ్వర్యంలో బుధవారం హైదరాబాద్‌లోని రవాణా కమిషనర్ కార్యాలయంలో సత్యనిష్ఠతో సమృద్ధి అనే నినాదంతో కార్యక్రమాన్ని నిర్వహించారు.

ఈ సందర్భంగా రవాణా శాఖ జాయింట్ ట్రాన్స్‌పోర్ట్ కమిషనర్లు ఎం. చంద్రశేఖర్ గౌడ్, శివలింగయ్య, వెంకట రమణ మాట్లాడుతూ, ప్రజలతో నేరుగా సంబంధం ఉన్న రవాణా శాఖలో ప్రతి ఉద్యోగి జవాబుదారీతనంతో, సేవాభావంతో పనిచేయాలని పిలుపునిచ్చారు. పౌరులకు పారదర్శకమైన, వేగవంతమైన సేవలు అందించేందుకు రవాణా శాఖ అనేక సంస్కరణలు చేపట్టిందని వివరించారు. ఈ చర్యల ద్వారా రవాణా శాఖలో నివారణాత్మక విజిలెన్స్‌ను బలోపేతం చేస్తున్నామని, పౌరులు కూడా దళారులను ఆశ్రయించకుండా ఆన్‌లైన్ సేవలను నేరుగా వినియోగించుకోవాలని వారు కోరారు.