Trump - Jensen: జెన్సన్‌- ట్రంప్‌ సంబంధాలపై అమెరికా కాంగ్రెస్‌ కన్ను

ఇంటర్నెట్‌డెస్క్‌: వివాహేతర సంబంధాల ఆరోపణలతో ఎన్విడియా సీఈవో పదవి నుంచి వైదొలిగిన జెన్సన్‌ హువాంగ్‌ (Jensen Huang), అధ్యక్షుడు ట్రంప్‌ (Donald Trump) మధ్య సంబంధాలపై అమెరికన్‌ కాంగ్రెస్‌ కన్నేసింది. వారి సన్నిహిత సంబంధాలపై రానున్న రోజుల్లో నిఘా ఉంటుందని కాంగ్రెస్‌ సభ్యులు సంకేతాలిచ్చారు. వచ్చే ఏడాది హౌస్‌ జ్యుడీషియరీ కమిటీకి అధ్యక్షత వహించనున్న మేరీల్యాండ్‌ డెమొక్రాటిక్‌ ప్రతినిధి జేమీ రస్కిన్‌ అక్కడి మీడియాతో మాట్లాడుతూ.. ఎన్విడియా- ట్రంప్‌, ట్రంప్‌- చైనా సంబంధాలపై దర్యాప్తు చేయాల్సిన అవసరం ఉందన్నారు.

ఎన్విడియా వ్యవహారంలో జెన్సన్‌కు మొదట్నుంచీ ట్రంప్‌ మద్దతుగా నిలుస్తూ వస్తున్నారు. గురువారం రాజీనామా చేయడానికి ముందు వరకు ఆయన్ని వెనకేసుకొచ్చారు. ఆ తర్వాత కూడా ‘జెన్సన్‌ తీవ్ర మానసిక క్షోభను అనుభవిస్తున్నారు’ అంటూ సానుభూతి వ్యక్తం చేశారు. 2025 జనవరిలో ట్రంప్‌ రెండోసారి అధ్యక్షుడిగా ఎన్నికైన తర్వాత ట్రంప్‌ను జెన్సన్‌ కలిశారు. అక్కడి నుంచి వీరి మధ్య సంబంధాలు మొదలయ్యాయి. 2025 జులైలో నిర్వహించిన ఏఐ సదస్సులో ఆయన్ని ట్రంప్‌ ఆకాశానికెత్తేశారు. వైట్‌హౌస్‌లో నిర్వహించే కార్యక్రమాలు, ట్రంప్‌ ప్రైవేటు క్లబ్‌ ఈవెంట్లకు కూడా ఆయన హాజరయ్యేవారు. ఇటీవల ట్రంప్‌ చైనా పర్యటనకు కూడా వెళ్లారు.