Tummidihatti | తమ్మిడిహట్టి పాట.. రేవంత్ తొండాట.. ఏదీ తేలకున్నా ఏదో సాధించినట్టు కాంగ్రెస్‌ గొప్పలెందుకు?

Tummidihatti | తమ్మిడిహట్టి బరాజ్‌ ఎత్తు పెంపు ప్రతిపాదనలపై మహారాష్ట్ర సీఎం సానుకూలంగా స్పందించారు. మహారాష్ట్రకు ఎలాంటి ప్రతికూల ప్రభావం లేకపోతే 148 మీటర్ల ఎత్తు ఒప్పందంపై పునఃపరిశీలనకు అభ్యంతరం లేదన్నారు. కేంద్ర జల సంఘం అధ్యయనాలు, సాంకేతిక పరిశీలనలు కొనసాగిస్తుందని, ఈ లోగా రెండు రాష్ర్టాల నీటిపారుదల శాఖ ముఖ్య కార్యదర్శుల నేతృత్వంలో కమిటీ వేయాలని ప్రతిపాదించారు. బరాజ్‌ ఎత్తు, నీటి లభ్యతపై సమగ్రంగా అధ్యయనం చేయాలని సూచించారు.

తమ్మిడిహట్టి బరాజ్‌ ఎత్తు పెంపు అంశాలను మహారాష్ట్ర ప్రభుత్వం స్వతంత్రంగా పరిశీలిస్తుంది. మొదట అంచనా వేసిన దానికంటే ముంపు ప్రాంతం ఇప్పుడు ఎకువ ఉంటుందని తేలింది. సవరించిన ప్రతిపాదనలతో కలిగే ప్రభావాలను క్షుణ్ణంగా అంచనా వేయాల్సిన అవసరం ఉన్నది. ముంపు ప్రభావం, వన్యప్రాణుల అభయారణ్యం పరిధిలోని అంశాలను పరిశీలిస్తాం. కేంద్ర జలసంఘం అభిప్రాయాన్ని కోరినప్పుడు మా వైఖరి తెలియజేస్తాం.