Two students die | ప్రాణాలు తీసిన సెల‌వుల స‌ర‌దా.. క్వారీ గుంతలో ప‌డి ఇద్దరు విద్యార్థులు మృతి

శామీర్ పేట్ : ఆదివారం సెల‌వు రోజును ఆనందంగా గుడుపుదామునుకున్న ఆ విద్యార్థుల‌కు అదే చివ‌రి రోజుగా మారింది. స‌ర‌ద‌గా స్నేహితుల‌తో గ‌డుప‌దామని బ‌య‌ట‌కెళ్లిన విద్యార్థులు విగ‌త‌జీవులుగా మార‌డం ప‌లువురిని కంట‌త‌డిపెట్టించింది. సరదా కోసం బయటకి వెళ్లిన విద్యార్థుల్లో ఇద్దరు నీట మునగగా.. మరో ముగ్గురు ప్రాణాలతో బయట పడ్డారు. ఈ విషాద‌క‌ర‌ సంఘటన మేడ్చ‌ల్ మ‌ల్కాజిగిరి జిల్లా జవహర్ నగర్ పోలీస్ స్టేషన్ పరిధిలో ఆదివారం చోటుచేసుకుంది. పోలీసులు, స్థానికులు తెలిపిన వివ‌రాలు ఇలా ఉన్నాయి. యాప్రల్ ప్రాంతానికి చెందిన రోహిత్ (18), సీవీఆర్ కాలేజీలో చ‌దువుతున్న సయాన్ (18) సీఎంఆర్ కాలేజీలో చదువుతున్న రక్షిత్, పియూష్…

ఉదయం భోజనం తరవాత పక్కనే ఉన్న క్వారీ గుంతలో ప్లేట్స్ కడగడానికి వెళ్లి ప్రమాదవశత్తు ఇద్దరు నీట మునిగి మృత్యువాత పడ్డారు. సమాచారం అందుకున్న జవహర్‌నగర్ పోలీసులు వెంటనే ఘటనా స్థలానికి చేరుకున్నారు. విద్యార్థుల ఆచూకీ కోసం హైడ్రా, డీఆర్ఎఫ్ సిబ్బందిని రంగంలోకి దించి గాలింపు చర్యలు చేపట్టారు. ఇద్దరు విద్యార్థుల మృతితో యాప్రాల్ ప్రాంతంలో విషాదఛాయలు అలుముకున్నాయి. ఈ మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.