ఉద్యోగం నుంచి  ఏకపక్షంగా తొలగించడం చట్టవిరుద్ధం : హైకోర్టు

హైదరాబాద్, వెలుగు: నియామక ప్రక్రియ పూర్తయిన పది నెలల తర్వాత అధికారుల తప్పిదాన్ని సరిదిద్దే పేరుతో ఉద్యోగిని తొలగించడం సమర్థనీయం కాదని హైకోర్టు స్పష్టం చేసింది. తొలగించిన ఉపాధ్యాయురాలిని ఎనిమిది వారాల్లో తిరిగి విధుల్లోకి తీసుకోవడంతోపాటు, పూర్తి వేతనాలు చెల్లించాలని ఆదేశించింది. 2024 డీఎస్సీలో 228వ ర్యాంకు సాధించిన సబావత్ వీణను ఎస్టీ కోటా కింద మహబూబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌నగర్ జిల్లా నవాబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పేట మండలం మోరంబావి తండా ఎంపీపీఎస్ పాఠశాలలో తెలుగు మీడియం ఎస్జీటీగా నియమించారు.

అయితే, అదే నోటిఫికేషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో 116వ ర్యాంకు సాధించిన డి. వినోద్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కుమార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పై క్రిమినల్ కేసులు ఉన్నాయన్న కారణంతో ఆయన అభ్యర్థిత్వాన్ని తొలుత పరిగణనలోకి తీసుకోలేదని పిటిషనర్ తరఫు న్యాయవాది కోర్టుకు తెలిపారు. అనంతరం ఆయనపై కేసులు కొట్టివేయడంతో, వినోద్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కుమార్ పెట్టుకున్న వినతిపత్రం ఆధారంగా వీణను తొలగించి ఆయనను నియమించారని వివరించారు.