ఉమ్మడి కరీంనగర్ జిల్లాను ఉత్తర తెలంగాణలో అగ్రస్థానంలో నిలుపుతాం: పొన్నం ప్రభాకర్

కరీంనగర్: నగర అభివృద్ధే లక్ష్యంగా కేంద్ర, రాష్ట్ర ప్రభుత్వాల సహకారంతో ఉమ్మడి కరీంనగర్ జిల్లాను ఉత్తర తెలంగాణలో అన్ని రంగాల్లో అగ్రస్థానంలో నిలిపేందుకు కృషి చేస్తున్నామని మంత్రి పొన్నం ప్రభాకర్ తెలిపారు. ఎన్నికల వరకే రాజకీయాలని, ఆ తర్వాత జిల్లా అభివృద్ధే ప్రధాన లక్ష్యంగా పనిచేస్తున్నామని స్పష్టం చేశారు.

కరీంనగర్‌లో రూ.4 కోట్లతో చేపట్టనున్న అర్బన్ డెవలప్‌మెంట్ పనులకు కేంద్ర మంత్రి బండి సంజయ్, రాష్ట్ర మంత్రి పొన్నం ప్రభాకర్, నగర మేయర్ శ్రీనివాస్ శంకుస్థాపన చేశారు. ఈ సందర్భంగా మంత్రి పొన్నం ప్రభాకర్ మాట్లాడుతూ.. సాగునీటి ప్రాజెక్టుల అభివృద్ధి విషయంలో పోటీపడి పనిచేస్తున్నామని, విద్యా, వైద్య రంగాల్లోనూ జిల్లాను అభివృద్ధి చేసేందుకు ప్రత్యేక కృషి చేస్తున్నామని తెలిపారు.