ఉప్పునుంతల తహసీల్దార్‌ సస్పెన్షన్‌

అచ్చంపేట, అక్టోబర్‌ 31 : నయీం అనుచరులకు సంబంధించిన భూమిగా ప్రచారంలో ఉన్న నాగర్‌కర్నూల్‌ జిల్లా ఉప్పునుంతల మండలం అయ్యవారిపల్లిలో సర్వే నంబర్‌ 115లోని రూ.4 కోట్ల విలువైన 13.17 ఎకరాల భూమి రికార్డుల మా ర్పులు.. సంబంధంలేని వ్యక్తుల పేర్లపైన నమోదైన వ్యవహారంపై ‘నమస్తే తెలంగాణ’ ప్రచురించిన వరుస కథనాలు జిల్లా రెవెన్యూ యంత్రాంగంలో కదిలిక తెచ్చాయి. ఈ కథనాలకు స్పందించిన కలెక్టర్‌ హేమంత్‌ కేశవ్‌ పాటిల్‌ సమగ్ర విచారణకు ఆదేశించగా..

అచ్చంపేట సబ్‌ కలెక్టర్‌ సలోనిఛాబ్రా విచారణ చేసి నివేదిక సమర్పించారు. విచారణలో భాగంగా పాత ఖాస్రా, పహాణీలు, ఆర్‌వోఆర్‌ రికార్డులు, భూభారతి పోర్టల్‌లోని దరఖాస్తులు, రిజిస్ట్రేషన్‌ సంబంధించిన ఎన్‌కంబరెన్స్‌ వివరాలను పరిశీలించారు. పాత రికార్డుల్లో ధ్యాప రామిరెడ్డి పేరుపై ఉన్న భూమి కొత్త రికార్డుల్లో ఉప విభాగాలుగా న మోదైనట్టు గుర్తించారు.