వైభవంగా గొరవయ్యల నృత్యం

హాలహర్వి: కర్నూలు జిల్లా హొళగుంద మండలం దేవరగట్టులో శనివారం గొరవయ్యల నృత్యం ఆకట్టుకుంది. ఇందులో భాగంగా మాళ మల్లేశ్వరస్వామి జలాభిషేకం, ఆకు పూజ, కుంకుమార్చన, బండారు అర్చన, మహా మంగళహారతి వంటి విశేష పూజలు నిర్వహించారు. అనంతరం సింహాసన కట్ట వద్ద లావుపాటి ఇనుప గోలుసును హాలహర్వి మండలం బల్లూరు గ్రామానికి చెందిన గొరవయ్య గాదిలింగప్ప తన భక్తితో మూడు ప్రయత్నాల్లోనే తెంపడంతో గట్టులో ఢమరుక నాదం మారుమోగింది. గొలుసు తెంపే కార్యక్రమం తిలకించేందుకు వేలాది సంఖ్యలో భక్తులు తరలివచ్చారు. ఎలాంటి అవాంఛనీయ సంఘటనలు జరగకుండా పోలీసులు బందోబస్తు ఏర్పాటు చేశారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.