‘వరి కొయ్యలను తగలబెట్టవద్దు’

– న‌ల్ల‌గొండ తాసీల్దార్ ప‌ర‌శురాం – నిబంధనలు ఉల్లంఘిస్తే చట్టపరమైన చర్యలు

నల్లగొండ రూరల్, నవంబర్ 04 : వరి కొయ్యలు, ఇతర పంట అవశేషాలను తగలబెట్టవద్దని నల్లగొండ మండల తాసీల్దార్ పరశురాం, మండల వ్యవసాయ అధికారి సుంకోజు శ్రీనివాస్ రైతులకు సూచించారు. మండలంలోని చందనపల్లి గ్రామ శివారులో వరి కొయ్యలను కాల్చుతున్నట్లు సమాచారం అందడంతో బుధవారం వారు పొలాన్ని సందర్శించి రైతులకు అవగాహన కల్పించారు. ఈ సందర్భంగా అధికారులు మాట్లాడుతూ.. వరి కొయ్యలను కాల్చడం వల్ల వాయు కాలుష్యం ఏర్పడడంతో పాటు, వెలువడే పొగతో రైతులు, పరిసర ప్రాంతాల ప్రజలు శ్వాసకోశ సమస్యలకు గురయ్యే ప్రమాదం ఉందన్నారు.