వెంకన్న దర్శనానికి 6 గంటల సమయం.. దసరా రోజున తిరుమల హుండీ ఆదాయం ఎంతంటే..

తిరుపతి: తిరుమలలో వేంకటేశ్వర స్వామి సర్వ దర్శనానికి టోకెన్ లేని భక్తులకు 6 గంటల సమయం పడుతుంది. 9 కంపార్ట్‌మెంట్లలో భక్తులు దర్శనం కోసం వేచి ఉన్నారు. దసరా రోజున కలియుగ ప్రత్యక్ష దైవమైన శ్రీనివాసుడిని 83 వేల 745 మంది భక్తులు దర్శించుకున్నారు. 19 వేల 391 మంది భక్తులు తలనీలాలు సమర్పించారు. దసరా రోజున తిరుమల హుండీ ఆదాయం రూ.2.99 కోట్లుగా టీటీడీ అధికారులు ప్రకటించారు.

భక్తులు తమ జీవితంలో ఒక్కసారైనా తిరుమల పుణ్య క్షేత్రాన్ని దర్శించుకుంటారు. కలియుగ దేవుడు.. వైకుంఠ నాథుడు.. సాక్షాత్తు శ్రీ వెంకటేశ్వరస్వామికి మొక్కులు చెల్లించుకుంటారు. ఏడుకొండలపై పాదయాత్ర చేసి వెంకన్న స్వామిని దర్శించారంటే ఆ అనుభూతి అంతా ఇంతా కాదు. ఏడు చక్రాలు దాటితే ఆనందానుభూతి కలుగుతుంది. ఆనంద నిలయం బ్రహ్మ స్థానంలో ఉంటుంది. అందుకనే ఆయన ఏడుకొండలు పైన ఉంటాడు.