వృథాగా పోతున్న రాంపురం పెద్ద చెరువు నీరు

– షట్టర్ల మరమ్మతులు చేయించడంలో అధికారుల నిర్లక్ష్యం – నీటి వృథాపై రైతుల ఆవేద‌న

చుంచుపల్లి, నవంబర్ 04 : ఇటీవల కురుస్తున్న వర్షాలతో రాంపురం పెద్ద చెరువు నిండింది. అయితే చెరువు తూముకు సంబంధించిన షట్టర్లు మరమ్మతులు చేయకపోవడంతో విలువైన నీరు వృథాగా బయటకు పోతోంది. రానున్న రోజుల్లో ఎల్‌నినో ప్రభావంతో వర్షాభావ పరిస్థితులు ఏర్పడే అవకాశం ఉందన్న ఆందోళనల నేపథ్యంలో చెరువులో చేరిన నీటిని జాగ్రత్తగా నిల్వ చేసుకోవాల్సిన సమయంలో ఇలా వృథాగా పోతుండడంపై రైతులు తీవ్ర ఆవేదన వ్యక్తం చేస్తున్నారు.