CJP ఫౌండర్ అభిజిత్ దీప్కేకు ఢిల్లీ స్పెషల్ కోర్టులో బెయిల్

న్యూఢిల్లీ: కాక్రోచ్ జనతా పార్టీ ఫౌండర్ అభిజిత్ దీప్కేకు భారీ ఊరట దక్కింది. ఢిల్లీలోని మందిర్ మార్గ్ స్పెషల్ ఎగ్జిక్యూటివ్ మేజిస్ట్రేట్ కోర్టు దీప్కేకు షరతులతో కూడిన బెయిల్ మంజూరు చేసింది. రూ.50 వేల వ్యక్తిగత పూచీకత్తుతో పాటు బాండ్ సమర్పించాలని కోర్టు ఆదేశించింది.

సీజేపీ ప్రతినిధులు సౌరవ్ దాస్, ఆశుతోష్ రాంకా అనుమతి లేకుండా జంతర్ మంతర్ దగ్గర నిరసన చేశారని ఢిల్లీ పోలీసులు కేసు నమోదు చేసిన విషయం తెలిసిందే. ఈ కేసులో సౌరవ్ దాస్, ఆశుతోష్ రాంకాకు న్యాయస్థానం ఐదు రోజుల జ్యుడిషియల్ కస్టడీ విధించింది. సౌరవ్ దాస్, ఆశుతోష్‎లపై కేసు, అరెస్ట్‎ను నిరసిస్తూ అక్టోబర్ 16న ఢిల్లీలోని కన్నాట్ ప్లేస్‎లో సీజేపీ లెహ్రా దో తిరంగా మార్చ్‏కు పిలుపునిచ్చింది.