Delhi: రామ్‌లీలా మైదానంలో ర్యాలీకి భారీ ఏర్పాట్లు

దిల్లీ: కేంద్ర ఎన్నికల ప్రధాన అధికారి జ్ఞానేశ్‌కుమార్‌ రాజీనామా చేయాలని ఇండియా కూటమి నవబంర్‌ 1న దిల్లీలోని రామ్‌లీలా మైదానంలో నిర్వహిస్తున్న భారీ ర్యాలీకి దిల్లీ పోలీసులు అనుమతులిచ్చారు. అయితే సభ నిర్వహణకు సంబంధించి పలు ఆంక్షలు విధించారు. కార్యక్రమాన్ని ఉదయం 10 గంటల నుంచి సాయంత్రం 5 గంటల్లోగా ముగించాలని, రామ్‌లీలా మైదానంలో రాత్రి ఎవరూ ఉండకూడదని స్పష్టం చేశారు. సీసీటీవీ కెమెరాలు, తాగునీరు, మరుగుదొడ్లను తప్పనిసరిగా ఏర్పాటు చేయాలని సూచించారు. దిల్లీ పోలీస్‌ కమిషనర్‌ అనురాగ్‌ కుమార్‌ శనివారం రామ్‌లీలా మైదానంలో పర్యటించి భద్రతా ఏర్పాట్లను పరిశీలించారు.

అనంతంరం రామ్‌లీలా మైదానం మీదుగా ఆదివారం ప్రయాణం చేయాలనుకుంటున్న వాళ్లు ప్రత్యామ్నాయ మార్గాను ఎంచుకోవాలని అధికారులు సూచించారు. ర్యాలీ జరిగే ప్రాంతాంలో ఎలాంటి అవాంఛనీయ ఘటనలు జరగకుండా 4,000 వేలకుపైగా పోలీసు సిబ్బందితోపాటు, కేంద్ర బలగాలను మోహరించినట్లు తెలిపారు. ఈ ర్యాలీకి తెలంగాణ నుంచి వచ్చే కార్యకర్తల రవాణా, బస్సుల పార్కింగ్, ఇతర వసతుల ఏర్పాట్ల కోసం ఎంపీలు మల్లు రవి, బలరాం నాయక్, వేం నరేందర్‌రెడ్డి, చామల కిరణ్‌కుమార్‌రెడ్డి తదితరులు ఏర్పాట్లను సమీక్షించారు.