దివ్వెల రవళి.. ఆనంద జావళి

నవదీపికలు: చీకటిని పారదోలే దివ్వెలతో బాగల్‌కోటె ముద్దుబాలికల సందడి

బెంగళూరు (మల్లేశ్వరం), న్యూస్‌టుడే : కష్టాలెన్ని ఎదురైనా.. ఎంతగా చీకటి అలముకున్నా ఆశల దివ్వెలు వెలిగితే ఆ ఆనందమే వేరు! ఆ ఆనందానికి ప్రతిరూపమైన దీపావళి పండగ సందడి రాష్ట్రంలో శనివారం సాయంత్రం నుంచే ప్రారంభమైంది. హరిత బాణసంచాను మాత్రమే విక్రయించేలా కాలుష్య నియంత్రణ మండలి చర్యలు తీసుకుంది. బాణసంచా బదులుగా దీపాల కొనుగోలుకు ఎక్కువ మంది ప్రాధాన్యమిచ్చారు. పండగకు ప్రజలు రాష్ట్రంలోని వివిధ ప్రాంతాలకు వెళ్లేందుకు ఆర్టీసీ 2500కు పైగా అదనపు బస్సులను రహదారులపైకి తీసుకువచ్చింది.