Good Health: సప్లిమెంట్లు అంటే మందులు కావు కదా.. ఆరోగ్యం కోసం రోజూ వేసుకోవచ్చా..?

హెల్త్ సప్లిమెంట్స్ అంటే ఐడియా ఉండే ఉంటుంది. మన శరీరంలో లోపించిన మూలకాలు, విటమిన్ల నేరుగా అందించే పదార్థాలు. విటమిన్ డి క్యాప్సూల్స్, మల్టీ విటమిన్లు, ప్రోటీన్ పౌడర్లు అంటూ చాలా ఉంటాయి. సోషల్ మీడియాలో వీటి గురించే ప్రచారం.. ఫార్మసీ స్టోర్లలో ఎక్కడ చూసినా హెల్త్ సప్లిమెంట్లతో ర్యాకులు నిండి ఉంటాయి. జిమ్ కు వెళ్లే వాళ్లు అయితే రెగ్యులర్ గా వాడుతుంటారు. ప్రస్తుత ఉన్న ప్రచారంతో చాలా మంది సప్లిమెంట్స్ తీసుకోవడం అలవాటుగా మార్చుకుంటున్నారు. అయితే ఇవి నిజంగా రోజూ అవసరమా..? మంచి ఆరోగ్యం కోసం రోజూ తీసుకోవచ్చా..? దీని గురించి డాక్టర్లు ఏమంటున్నారో చూద్దాం.

మెరుగైన ఆరోగ్యం, బలమైన రోగనిరోధక శక్తి, ఎక్కువ ఎనర్జీ, మంచి హెల్త్ కోసం సప్లిమెంట్లు తీసుకోవాలనే ప్రచారంలో ఎంత మేరకు వాస్తవాలు ఉన్నాయో డాక్టర్లు క్లారిటీ ఇచ్చారు. రోజూ వేసుకోవచ్చా లేదా అని విషయాలు వెల్లడించారు. చాలా మంది ఆరోగ్యవంతులు సమతుల్య ఆహారం దీసుకుంటే శరీరానికి అవసరమైన పోషకాలు అందుతాయని చెబుతున్నారు. అవసరం లేకుండా రోజూ అనేక సప్లిమెంట్లు తీసుకోవడం కరెక్ట్ కాదని, కొన్నిసార్లు హానికరం కూడా కావచ్చునని హెచ్చరిస్తున్నారు.