పరిశ్రమను మూసివేయాలంటూ రాస్తారోకో

చేగుంట: కాలుష్యానికి కారణమైన పరిశ్రమను మూసివేయాలని డిమాండ్ చేస్తూ మెదక్ జిల్లా చేగుంటలోని వివిధ గ్రామాలకు చెందిన ప్రజలు ఆదివారం రాస్తారోకో చేపట్టారు. స్థానికంగా జీవాక ఇండస్ట్రీస్ పరిశ్రమ ద్వారా వాయు కాలుష్యం ఏర్పడి ప్రజలు అనారోగ్య పాలవుతున్నారని, అలాగే నీటి కాలుష్యం ఏర్పడి పంటలు పండటం లేదని వారు ఆవేదన వ్యక్తం చేశారు. స్థానిక బోనాల రోడ్డులో రెండు గంటల పాటు బైఠాయించి నిరసన తెలిపారు. యాజమాన్యం కారణంగా ప్రజలు, రైతులు నష్టపోతున్నారని వెంటనే ఆ పరిశ్రమను మూసివేయాలని కోరారు. అలాగే నిత్యం రద్దీగా ఉండే రోడ్డుపైన పరిశ్రమకు సంబంధించిన లారీలను నిలపడం వల్ల ప్రమాదాలు జరుగుతున్నాయని ఆవేదన వ్యక్తం చేశారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.