తాగునీటి సమస్య తలెత్తకుండా ప్రణాళికాబద్ధంగా ముందస్తు చర్యలు

నిజామాబాద్ కలెక్టరేట్: ఎల్‌నినో కారణంగా తీవ్ర వర్షాభావ ప్రభావంతో రానున్న రోజుల్లో తాగునీటి సమస్యలు తలెత్తకుండా ప్రణాళికాబద్దంగా చర్యలు చేపడుతున్నామని రాష్ట్ర ప్రభుత్వ సలహాదారు పి.సుదర్శన్ రెడ్డి తెలిపారు. జిల్లా కార్యాలయంలో నిర్వహించిన సమీక్షలో ఆయన పాల్గొని మాట్లాడారు. వేసవి సీజన్ ముగిసే వరకు అన్ని పట్టణ, గ్రామీణ ప్రాంతాల్లో రక్షిత మంచినీరు సరఫరా జరిగేలా ముందస్తుగానే సమగ్ర ప్రణాళికను అమలు చేస్తున్నామన్నారు. రబీలో పంటసాగుకు నీరు లేనందున వరి వేయవద్దని రైతులకు సూచించారు. ఈ కార్యక్రమంలో జిల్లా కలెక్టర్‌ త్రిపాఠి, పలు శాఖ అధికారులు తదితరులు పాల్గొన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.