టీవీకే నేత ఇంట్లో రూ.100 కోట్ల డ్రగ్స్.. సీఎం విజయ్ని టార్గెట్ చేసిన డీఎంకే

తమిళనాడులో భారీగా మత్తుపదార్థాలు పట్టుబడటం కలకలం రేపింది. తమిళగ వెట్రి కళగం (టీవీకే) పార్టీకి చెందిన జిల్లా కార్యవర్గ సభ్యుడు భూపాలన్ ఇంట్లో సుమారు 100 కోట్ల రూపాయల విలువైన మత్తుపదార్థాలను కేంద్ర రెవెన్యూ ఇంటెలిజెన్స్ అధికారులు స్వాధీనం చేసుకున్నట్లు వార్తలు వెలువడ్డాయి.

నిషేధిత మెథాంఫెటమైన్ మాదకద్రవ్యాల అక్రమ రవాణా, నిల్వలకు సంబంధించి అందిన సమాచారంతో ఢిల్లీ నుంచి వచ్చిన అధికారులు భూపాలన్ నివాసంతో పాటు ఆయన స్నేహితుల ఇళ్లలో సోదాలు నిర్వహించారు. ఈ తనిఖీల్లో సుమారు 135 కిలోల మత్తుపదార్థాలను స్వాధీనం చేసుకున్నట్లు సమాచారం. వీటి విలువ దాదాపు 100 కోట్ల రూపాయలు ఉంటుందని అంచనా వేస్తున్నారు.