వెలుగుల పండుగ దీపావళి.. వినాయకుడిని పూజిస్తే ఏమౌతుందంటే..

వెలుగు జిలుగుల దీపాల పండుగంటే ఒక్కరోజు సంబురం కాదు ఐదు రోజుల ఆనందోత్సవం. ధనత్రయోదశితో సంపదకు స్వాగతం పలుకుతూ ఐదో రోజు భాయ్ దూజ్ తో అన్నా చెల్లెళ్ల అనుబంధానికి పట్టాభిషేకం చేసే వేడుక. తొలి రోజు ధన త్రయోదశి, రెండో రోజు చెడుపై మంచి విజయానికి గుర్తుగా నరక చతుర్దశి, మూడో రోజు లక్ష్మీ పూజతో ప్రతి ఇల్లూ వెలుగుల మయం అవుతుంది.

నాలుగో రోజు తెలంగాణలో కేదారేశ్వర వ్రతాలు జరుపుకుంటారు. ఇదే రోజున శ్రీకృష్ణుడు గోవర్ధన గిరిని ఎత్తాడని ప్రతీతి. అందుకే ఈ రోజు ఉత్తరాదిలో గోవర్ధన పూజ నిర్వహిస్తారు. ఐదో రోజు భాయ్ దూజ్‌‌తో అన్నాచెల్లెళ్ల అనుబంధానికి పట్టాభిషేకం చేస్తూ సాగే పండుగే దీపావళి. ఈ ఐదు రోజులకు ఒక్కో ప్రత్యేకత, ఒక్కో ఆధ్యాత్మిక నేపథ్యం ఉంది.