Andhra news: శాంతిభద్రతలకు విఘాతం కలిగించే వారిని ఉపేక్షించం: డీజీపీ హరీశ్‌ కుమార్‌ గుప్తా

విజయవాడ: రాష్ట్ర వ్యాప్తంగా మొత్తం 92 పట్టణ స్థానిక సంస్థలకు నిర్వహించిన పోలింగ్‌లో చెదురుమదురు ఘటనలు మినహా ప్రశాంతంగా ముగిసినట్లు డీజీపీ హరీశ్ కుమార్ గుప్తా తెలిపారు. పోలింగ్ కేంద్రాలకు భారీగా తరలివచ్చిన ఓటర్లు తమ ప్రజాస్వామ్య హక్కును స్వేచ్ఛగా వినియోగించుకున్నారన్నారు. పటిష్ఠమైన భద్రతా ఏర్పాట్లు, నిరంతర పర్యవేక్షణ, అత్యాధునిక సాంకేతిక పరిజ్ఞానం వినియోగం, వివిధ శాఖల మధ్య సమన్వయం కారణంగా పోలింగ్‌ సజావుగా సాగిందన్నారు. పోలీసు ప్రధాన కార్యాలయంలోని కమాండ్ కంట్రోల్ సెంటర్ నుంచి డీజీపీ స్వయంగా పోలింగ్ సరళి, భద్రతా ఏర్పాట్లను ఎప్పటికప్పుడు పర్యవేక్షించారు. క్షేత్రస్థాయి పరిణామాలను ఎప్పటికప్పుడు…

కడప, కర్నూలు, అనంతపురం సహా మొత్తం 20 జిల్లాల నుంచి 41 ఎన్నికల సంబంధిత సంఘటనలకు సంబంధించి సమాచారం అందిందని డీజీపీ తెలిపారు. నమోదైన అన్ని ఫిర్యాదులను సమగ్ర కమాండ్ కంట్రోల్ సెంటర్ నిరంతరం పరిశీలిస్తోందన్నారు. ప్రతి సంఘటనకు సంబంధించి వాస్తవాలను క్షుణ్ణంగా ధ్రువీకరించాలని, బాధ్యులైన వారిని గుర్తించి చట్టపరంగా కఠిన చర్యలు తీసుకోవాలని జిల్లా పోలీసు అధికారులను ఆదేశించినట్లు డీజీపీ తెలిపారు. పోలింగ్ ప్రక్రియకు భంగం కలిగించేందుకు, శాంతిభద్రతలకు విఘాతం కలిగించేందుకు ప్రయత్నించే ఎవరినీ ఉపేక్షించే ప్రసక్తి లేదని డీజీపీ స్పష్టం చేశారు.