Karimnagar | పరారులో భూ మాఫియా!.. ‘నమస్తే’ కథనంతో వెలుగులోకి కోతిరాంపూర్ భూకబ్జా

Karimnagar | కరీంనగర్ నడిబొడ్డున భూ కబ్జా వ్యవహారంలో తీగ లాగితే డొంకంతా కదులుతున్నది. ‘నమస్తే తెలంగాణ‘ కథనంతో కోతిరాంపూర్ కబ్జా వెలుగులోకి రాగా, పోలీసులు లోతుగా ఆరా తీస్తున్నట్టు తెలిసింది. అయితే, ఎక్కడ తమను అరెస్ట్ చేస్తారేమోననే భయంతో నిందితులు ఫోన్లు స్విచ్ఛాఫ్ చేసి పరారైనట్టు తెలుస్తున్నది. నిందితులను అరెస్ట్ చేయవద్దంటూ ఒత్తిడి తెచ్చిన ఓ జాతీయ పార్టీ నేత.. ఇప్పుడు పోలీసులకు ఏం చెప్పాలో తెలియక షాక్లో ఉన్నట్టు తెలిసింది.

కరీంనగర్, అక్టోబర్ 22 (నమస్తే తెలంగాణ ప్రతినిధి) : కరీంనగర్ నడిబొడ్డున కబ్జా బాగోతంపై ‘మళ్లీ తెరపైకి భూ మాఫియా!’ శీర్షికన గురువారం ‘నమస్తే తెలంగాణ’లో ప్రచురితమైన కథనం సంచలనం రేపింది. కోతిరాంపూర్లో విలువైన దాదాపు మూడు గుంటల సామా న్యుల భూమి కబ్జాకు యత్నించిన తీరు కలకలం రేపింది. నిజానికి ఈ వ్యవహారంపై ఈనెల 15న వన్టేన్ పోలీసులు కేసు నమోదు చేసి, నిందితుల అరెస్టుకు రంగం సిద్ధం చేశారు. ఓ జాతీయ పార్టీకి చెందిన నేత జోక్యంతో ఆ అరెస్టు నిలిచిపోయినట్టు అత్యంత విశ్వసనీయ సమా చారం. ఏకంగా జాతీయ పార్టీ నేత పోలీసులకు ఫోన్ చేసి చెప్పడంతో ఇక తమను అరెస్టు చేసేవారు లేరనే ధీమాతో నిందితులు ఇన్నాళ్లు దర్జాగా…