Karmabhoomi Express: కర్మభూమి ఎక్స్‌ప్రెస్‌లో మంటలు.. నాలుగు బోగీలు దగ్ధం

ఇంటర్నెట్‌ డెస్క్‌: పంజాబ్‌ (Punjab)లోని అమృత్‌సర్‌ నుంచి జల్పాయ్‌గుడికి వెళ్తున్న కర్మభూమి ఎక్స్‌ప్రెస్‌ (Karmabhoomi Express) రైలులో అగ్నిప్రమాదం చోటుచేసుకుంది. 4 కోచ్‌ల్లో మంటలు వ్యాపించడంతో అందులోని ప్రయాణికులు భయాందోళనకు గురయ్యారు. ప్రయాణికులు అప్రమత్తమై ముందుగా దిగిపోవడంతో ప్రాణ నష్టం తప్పింది. ఈ ఘటనతో సరాయ్ బంజారా రైల్వే స్టేషన్ సమీపంలో రైలును నిలిపేశారు. ఘటనాస్థలికి చేరుకున్న అగ్నిమాపక సిబ్బంది.. మంటలను అదుపులోకి తెచ్చేందుకు శ్రమిస్తున్నారు. విద్యుదాఘాతం కారణంగా ఈ ప్రమాదం సంభవించినట్లు సమాచారం. ఘటనా స్థలం నుంచి ప్రయాణికులను సురక్షితంగా తరలించేందుకు భద్రతా బలగాలు సహాయక చర్యలు చేపట్టాయి.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.