మధ్యాహ్నం ఓటు వేస్తానని.. జగన్‌ ఉదయమే ఎందుకొచ్చారు?: జీవీ ఆంజనేయులు

వినుకొండ, ఈటీవీ: రాష్ట్ర వ్యాప్తంగా మున్సిపల్‌ ఎన్నికలు ప్రశాంతంగా జరిగాయని చీఫ్‌ విప్‌ జీవీ ఆంజనేయులు పేర్కొన్నారు. గతంలో స్థానిక ఎన్నికల్లో వైకాపా దౌర్జన్యాలు, నామినేషన్లు వేయకుండా అడ్డుకోవడం, ధ్రువీకరణ పత్రాలు ఇవ్వకుండా ఇబ్బందులకు గురిచేయడం వంటి ఘటనలు జరిగాయని, కూటమి ప్రభుత్వం రాజ్యాంగ విలువలను కాపాడిందని తెలిపారు. స్థానిక ఎన్నికలకు సంబంధించి రాష్ట్ర ఎన్నికల సంఘం సమర్థంగా పనిచేసిందన్నారు. కూటమి ప్రభుత్వం అమలు చేసిన అభివృద్ధి, సంక్షేమ పథకాలకు ప్రజలు ఓటు వేశారన్నారు.

అత్యధిక స్థానాల్లో కూటమి అభ్యర్థులు విజయం సాధిస్తారనే ధీమా ఉందన్నారు. ప్రజాస్వామ్యాన్ని గౌరవించడమే తమ విజయంగా సీఎం చంద్రబాబు భావించారని తెలిపారు. గత పాలనకు, కూటమి పాలనకు మధ్య ఉన్న తేడాను ప్రజలు గమనించారని పేర్కొన్నారు. జగన్ ఓటు వేయడానికి వెళ్లారా? ఎన్నికల ప్రచారానికి వెళ్లారా? అని ప్రశ్నించారు. పులివెందుల వేదికగా రౌడీలతో కుట్రలు పన్నారని ఆరోపించారు. ఓటమి తప్పదని భావించి జగన్‌ పులివెందులలో రాద్ధాంతం చేశారని మండిపడ్డారు. ఓటమిని అంగీకరించి తప్పుకుంటే బాగుండేదని పేర్కొన్నారు. మధ్యాహ్నం ఓటు వేస్తానని చెప్పి ఉదయమే ఎందుకు వచ్చారని ప్రశ్నించారు. స్థానిక ఎన్నికల్లోనైనా, 2029 ఎన్నికల్లోనైనా కూటమిదే…