పెండింగ్‌లో ఉన్న పనులను వెంటనే పూర్తి చేయాలి: ఎమ్మెల్యే

బర్‌గఢ్‌: పట్టణ అభివృద్ధి పనులు, తాగునీటి సరఫరా వ్యవస్థపై ఝార్సుగూడ ఎమ్మెల్యే టంకధర్ త్రిపాఠి అధికారులతో ప్రత్యేక సమావేశం నిర్వహించారు. ఈ సందర్భంగా నగరంలో కొనసాగుతున్న అభివృద్ధి పనుల పురోగతి వివరాలను అడిగి తెలుసుకున్నారు. అనంతరం తాగునీటి సమస్యల పరిష్కారంతో పాటు ప్రజలకు మెరుగైన మౌలిక సదుపాయాలు కల్పించేందుకు చేపట్టాల్సిన చర్యలపై ఈ సమావేశంలో చర్చించారు. పెండింగ్‌లో ఉన్న పనులను వెంటనే పూర్తి చేయాలని, అభివృద్ధి పనుల్లో జాప్యం లేకుండా చూడాలని సంబంధిత అధికారులను ఈ సందర్భంగా ఎమ్మెల్యే ఆదేశించారు.

బరగఢ్‌: బరగఢ్‌ జిల్లాలోని కాలాపథర్‌ సర్దాపాలి కూడలి సమీపంలో సోనాపూర్‌ పోలీసులు నిర్వహించిన తనిఖీల్లో 147 కిలోల గంజాయిని స్వాధీనం చేసుకున్నారు. ఇతర రాష్ట్రాలకు గంజాయిని అక్రమంగా తరలిస్తున్నారనే సమాచారంతో పోలీసులు తనిఖీలు చేపట్టారు. ఈ క్రమంలో ఓ అనుమానాస్పద వాహనాన్ని ఆపి తనిఖీ చేయగా అందులో ఉన్న 140 కిలోల 400 గ్రాముల గంజాయిని గుర్తించారు. గంజాయి తరలిస్తున్న నిందితుడు భవానీ మెహెర్‌ను అరెస్టు చేశారు.