పొగాకుపై పోరులో ఊనా స్ఫూర్తి

ఏ రూపంలోనైనా సరే, పొగాకు వాడకాన్ని వ్యక్తిగత సమస్యగానే పరిగణించడానికి వీల్లేదు. కుటుంబాల ఆర్థిక పరిస్థితి, జీవన ప్రమాణాలను అది దారుణంగా దెబ్బతీస్తుంది. అంతిమంగా దేశ సౌభాగ్యాన్నే ప్రమాదంలో పడేస్తుంది. అందుకే ఆ రక్కసిని సమాజం నుంచి పారదోలేందుకు కేంద్రం రెండు దశాబ్దాల కిందట జాతీయ పొగాకు నియంత్రణ కార్యక్రమాన్ని భుజాలకెత్తుకుంది. యువతలో పొగాకు వినియోగాన్ని అరికట్టేందుకు మూడేళ్ల కిందట ప్రత్యేక ప్రచార కార్యక్రమాన్ని అమలులోకి తెచ్చింది. హిమాచల్‌ ప్రదేశ్‌ ఊనా జిల్లా అధికార యంత్రాంగం దానిపై ప్రత్యేక శ్రద్ధ వహిస్తూ విస్తృత కార్యాచరణతో మేలిమి ఫలితాలు రాబట్టింది. తొలుత పొగాకు వల్ల కలిగే అనర్థాలపై…

పొగాకు వల్ల దేశవ్యాప్తంగా ఏటా 13 లక్షలకు పైగా అర్ధాంతర మరణాలు సంభవిస్తున్నాయి. పీల్చే, నమిలే, చప్పరించే పొగాకు ఉత్పత్తులతో 17 రకాల క్యాన్సర్లు కోరచాస్తున్నాయి. గుండె, శ్వాసకోశ జబ్బులు, మధుమేహం, వంధ్యత్వం తదితర సమస్యలూ ముమ్మరిస్తున్నాయి. భారత్‌లో సంభవిస్తున్న పక్షవాత మరణాల్లో 12శాతానికి పొగాకే కారణమవుతోంది. పచ్చని కుటుంబాల్లో ఇంతగా చిచ్చురేపుతున్న ఆ మహమ్మారిని రూపుమాపేందుకు ప్రభుత్వాలు చిత్తశుద్ధితో పాటుపడటంలేదని పార్లమెంటరీ స్థాయీసంఘం లోగడ ఆవేదన వ్యక్తం చేసింది. పరిశీలనల ప్రకారం, గడిచిన పుష్కర కాలంలో గ్రామీణ భారతంలో గుట్కా వ్యసనపరులు ఉన్న కుటుంబాల సంఖ్య సుమారు ఆరు రెట్లకు పెరిగింది. అదే…