సీజేపీకి మద్దతు ఇవ్వం.. మా అజెండా వేరు: అన్నామలై - Visalaandhra

కాక్రోచ్ జనతా పార్టీ (సీజేపీ) నిరసనలపై కేంద్ర ప్రభుత్వ చర్యలను విమర్శించిన నేపథ్యంలో, మాజీ తమిళనాడు బీజేపీ అధ్యక్షుడు కె. అన్నామలై తన వైఖరిని స్పష్టం చేశారు.సీజేపీకి తాము ఎప్పటికీ మద్దతు ఇవ్వబోమని, ఆ పార్టీ అజెండా తమ అజెండా వేరని గురువారం తెలిపారు.అయితే, ప్రజాస్వామ్యంలో ప్రతి రాజకీయ పార్టీకి పోరాడే హక్కు ఉందని పేర్కొన్నారు.తన ఃవీ ది లీడర్స్ః ఉద్యమం నిర్వహించిన కార్యక్రమంలో మాట్లాడిన అన్నామలై.. దేశభక్తి గురించి తనకు ఎవరూ పాఠాలు చెప్పాల్సిన అవసరం లేదన్నారు.దేశంలోని పలు రాష్ట్రాల్లో పనిచేసిన అనుభవం తనకు ఉందని, భారతదేశ ఐక్యత, సార్వభౌమత్వం గురించి తనకు తెలుసని చెప్పారు. కాక్రోచ్ జనతా పార్టీ…

ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ అక్టోబర్ 10న సీజేపీ కార్యకర్తలు చేపట్టిన నిరసనలపై పోలీసులు చర్యలు తీసుకోవడాన్ని అన్నామలై గతంలో ప్రశ్నించారు.నిరసనకారులు తప్పు చేసి ఉంటే చట్ట ప్రకారం చర్యలు తీసుకోవాలని, కక్షపూరితంగా వ్యవహరించకూడదని అన్నారు.దేశ సార్వభౌమత్వానికి ముప్పు ఉంటే నిఘా సంస్థల ద్వారా విచారణ జరిపి చర్యలు తీసుకోవాలని, సోషల్ మీడియాలో ఆరోపణలు చేయడం సరికాదని వ్యాఖ్యానించారు.ఎన్నికల సంఘం, సుప్రీంకోర్టు వంటి ప్రజాస్వామ్య సంస్థలపై ప్రజలకు నమ్మకం తగ్గించే ప్రయత్నాలను మాత్రం అంగీకరించబోమని స్పష్టం చేశారు.