తుపాను ప్రభావం.. బరగఢ్‌ జిల్లాలో పంటలకు నష్టం

బరగఢ్‌: అర్నబ్‌ తుపాను ప్రభావంతో కురుస్తున్న వర్షాలు, వీస్తున్న గాలుల కారణంగా జిల్లాలో పంటలు దెబ్బతిన్నాయి. పలుచోట్ల వరి పంట నేలకొరిగింది. పంట కోత సమయం సమీపిస్తున్న వేళ వర్షాలు కురుస్తుండడంతో రైతులు ఆందోళనకు గురయ్యారు. మరోవైపు పొలాల్లో నీరు నిలిచిపోవడంతో పంట కోతకు ఆటంకం ఏర్పడుతోంది. దీనివల్ల ధాన్యం నాణ్యత తగ్గడంతో పాటు దిగుబడి కూడా తగ్గే ప్రమాదం ఉందని రైతులు ఆవేదన వ్యక్తం చేస్తున్నారు. దెబ్బతిన్న పొలాలను అధికారులు వెంటనే క్షేత్రస్థాయిలో పరిశీలించి, పంట నష్టాన్ని అంచనా వేయాలని రైతులు కోరుతున్నారు. బాధిత రైతులకు తగిన పరిహారంతో పాటు పంటల బీమా సాయాన్ని అందించాలని డిమాండ్ చేస్తున్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.