వెంకమ్మ చెరువుకు భారీ గండి..

అశ్వారావుపేట గ్రామీణం: భద్రాద్రి కొత్తగూడెం జిల్లా అశ్వారావుపేట మండలం ఉట్లపల్లి సమీపంలో ఉన్న వెంకమ్మ చెరువుకు భారీ గండి పడింది. తుపాను కారణంగా రెండు రోజులుగా కురుస్తున్న అతి భారీ వర్షాలతో ఈ చెరువులోకి సామర్థ్యానికి మించి వరద నీరు చేరింది. దీంతో చెరువు కట్టకు గండి పడింది. భద్రాచలం- రాజమండ్రి అంతరాష్ట్ర రహదారిపై నుంచి వరద నీరు ప్రవహిస్తోంది. దీంతో ఆ మార్గంలో ప్రయాణించే వందలాది వాహనాలను అధికారులు నిలిపివేశారు. మరోవైపు వెంకమ్మచెరువు కింద అశ్వారావుపేట, ఉట్లపల్లి, వేదాంతపురం, నల్లపాడు గ్రామాల్లోని వందలాది ఎకరాల్లో పంట నీట మునిగింది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.