V6 Velugu ·
టీచర్లకు ఆన్‌‌‌‌‌‌‌‌లైన్ టెస్ట్ రాయస్తలె ! నవంబర్ 5వ తేదీ నుంచి టెట్ మాక్ టెస్టులు
హైదరాబాద్, వెలుగు: ఏండ్ల తరబడి చాక్‌‌‌‌‌‌‌‌పీస్‌‌‌‌‌‌‌‌తో పాఠాలు చెప్పిన సీనియర్ టీచర్లు ఇన్సర్వీస్ టెట్ రాయడంలో ఇబ్బందులు పడుతున్నారు. ఈ సమస్యను గుర్తించిన ఉన్నతాధికారులు.. కంప్యూటర్ బేస్డ్ టెస్ట్ విధానంపై అవగాహన కల్పించేందుకు రాష్ట్రవ్యాప్తంగా మాక్ టెస్టులు నిర్వహించాలని నిర్ణయించారు. గత నెల 8, 9 తేదీల్లో నిర్వహించిన టెట్‌‌‌‌‌‌‌‌కు 24,986 మంది దరఖాస్తు చేసుకోగా, 22,477 మంది పరీక్షకు హాజరయ్యారు.
వీరిలో 15,749 మంది (70.07%) ఉత్తీర్ణులయ్యారు. మిగిలినవారు ఫెయిలయ్యారు. ఈ నేపథ్యంలో నవంబర్ 16 నుంచి 21 వరకు స్పెషల్ టీజీ టెట్-2 నిర్వహించనున్నట్లు ప్రభుత్వం ప్రకటించింది. ఈ పరీక్షకు దరఖాస్తుల ప్రక్రియ ఇప్పటికే ముగిసింది. మొత్తం 9,262 మంది దరఖాస్తు చేసుకోగా, పేపర్-1కు 1,267 మంది, పేపర్-2కు 6,671 మంది, రెండు పేపర్లకు 1,324 మంది అప్లై చేసుకున్నారు.