జగన్నాథ ఆలయంలో రమా ఏకాదశి పూజలు

పర్లాఖెముండి: రమా ఏకాదశి సందర్భంగా గజపతి జిల్లా పర్లాఖెముండి పట్టణంలోని జగన్నాథ ఆలయంలో గురువారం స్వామివారికి ప్రత్యేక పూజలు చేశారు. జగన్నాథ స్వామి, బలరామ, సుభద్రలకు ప్రత్యేకంగా అలంకరించారు. పట్టణంతోపాటు చుట్టుపక్కల ప్రాంతాల నుంచి పెద్ద ఎత్తున భక్తులు చేరుకొని దేవతామూర్తులను దర్శించుకున్నారు. అనంతరం తులసి ప్రసాదాన్ని స్వీకరించారు.

పర్లాఖెముండి: డిసెంబర్ 12న జరగనున్న జాతీయ లోక్‌ అదాలత్‌కు కక్షిదారులు హాజరై సద్వినియోగం చేసుకోవాలని గజపతి జిల్లా న్యాయస్థానం ఓ ప్రకటన విడుదల చేసింది. పర్లాఖెముండి, కాశీ నగర్, ఆర్ ఉదయగిరి, మోహన కోర్టు ప్రాంగణంలో జాతీయ ప్రజా కోర్టు నిర్వహించనున్నట్లు తెలిపింది. పెండింగ్‌లో ఉన్న సమస్యలను పరిష్కరించేందుకు ప్రతి ఒక్కరూ ఈ అవకాశాన్ని సద్వినియోగం చేసుకోవాలని అందులో పేర్కొంది.