క్రీడాకారులకు ప్రభుత్వం అండగా ఉంటుంది: సీఎం డి.కె శివకుమార్‌

బెంగళూరు(క్రీడలు): కర్ణాటక బ్యాడ్మింటన్ అసోసియేషన్ వజ్ర మహోత్సవ వేడుకలు నిర్వహించడం ఆనందంగా ఉందని ముఖ్యమంత్రి డి.కె శివ కుమార్ తెలిపారు. మంగళవారం కర్ణాటక బ్యాడ్మింటన్ సంఘం డైమండ్ జూబ్లీ వేడుకల సందర్భంగా ఏర్పాటు చేసిన ఇండియా ఇంటర్నేషనల్ బ్యాడ్మింటన్ ఛాలెంజ్ పోటీలను సీఎం ప్రారంభించి మాట్లాడారు. పోటీలో పాల్గొనే దేశ, విదేశ క్రీడాకారులను ఆయన అభినందించారు. రాష్ట్ర క్రీడాకారులకు తమ ప్రభుత్వం ఎల్లప్పుడూ అండగా ఉంటుందని తెలిపారు. ఈ కార్యక్రమంలో కర్ణాటక బ్యాడ్మింటన్‌ సంఘం అధ్యక్షుడు కుమార్ బంగారప్ప, ఆసియా పతక విజేత ఎం ఆర్ పువ్వమ్మ, పలువురు ప్రముఖులు పాల్గొన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.