మల్లన్నసాగర్‌కు పేలుళ్ల ముప్పు?

మేడిగడ్డ బరాజ్‌లో సాంకేతిక కారణాలతో రెండు పిల్లర్లు కుంగితేనే.. కాంగ్రెస్‌ ప్రభుత్వం మూడేండ్లుగా అదే పాత పాటను పాడుతున్నది. మరమ్మతుల సంగతి మాత్రం ఎక్కడ వేసిన గొంగళి అక్కడే అన్నట్టున్నది. పైగా పేలుడు శబ్దాలు, కుట్ర కోణాల అనుమానాలు తొలగిపోలేదు. నిజానిజాలు తేలకుండానే కాలం గడిచిపోతున్నది. ఎల్‌ నినో ప్రభావం, నీటి అవసరాలపై ఆందోళన పెరుగుతుంటే కాళేశ్వరం ప్రాజెక్ట్‌ అసలు విలువ ఇప్పుడు అందరికీ తెలిసివస్తున్నది.

దీంతో ప్రభుత్వంపై ఒత్తిడి పెరుగుతున్నది. ఈ టైమ్‌లోనే మల్లన్నసాగర్‌ ఆనకట్టకు అతి సమీపంలో, అనుమతులు లేకుండానే భారీ పేలుళ్లు జరిగాయి. ఈ పరిణామాలు కొత్త అనుమానాలకు తావిస్తున్నాయి. పేలుళ్ల ప్రాంతాన్ని సందర్శించిన మాజీ మంత్రి, బీఆర్‌ఎస్‌ ఎల్పీ ఉపనేత హరీశ్‌రావు.. మల్లన్నసాగర్‌ను దెబ్బతీసే కుట్రలు జరుగుతున్నాయా అని ప్రభుత్వాన్ని నిలదీశారు. ఆరోపణలు నిజమో కాదో తేలాల్సిందే. కానీ మేడిగడ్డ అనుభవం కండ్ల్లముందు ఉన్నప్పుడు, ఈ అనుమానాలు రావడం సహజమే కదా! ఆనకట్టల దగ్గర పేలుళ్ల విషయంలో ప్రభుత్వం ఎందుకు మౌనం వహిస్తున్నట్టు? అనుమతులు ఇచ్చారా? ఎవరిచ్చారు? నిబంధనలు పాటించారా? అనే ప్రశ్నలకు సమాధానాలు చెప్పాల్సిందే.…