వ్యక్తి దారుణ హత్య

నవరంగపూర్: ఓ వ్యక్తి దారుణ హత్యకు గురయ్యాడు. ఈ ఘటన నవరంగపూర్ జిల్లా పాపడహండి సమితిలో జరిగింది. పోలీసులు తెలిపిన వివరాల ప్రకారం.. పాపడహండి సమితి విక్రమ్ దేవ్ పూర్ పంచాయతీ డంగరిగూడ గ్రామానికి చెందిన మండరా పూజారి (60) తన అత్తగారి గ్రామమైన కాదమగూడకు వెళ్లాడు. శనివారం ఇంటి బయట కూర్చొని ఉండగా.. అదే గ్రామానికి చెందిన ఉదయ్ నాథ్.. పూజారిపై గొడ్డలితో దాడి చేశాడు. గమనించిన కుటుంబ సభ్యులు వెంటనే బాధితుడిని ఆసుపత్రికి తరలించారు. అప్పటికే అతడు మృతి చెందినట్లు వైద్యులు ప్రకటించారు. కేసు నమోదు చేసుకున్న పోలీసులు దర్యాప్తు చేపట్టి నిందుతుడిని అదుపులోకి తీసుకున్నారు.

నవరంగపూర్‌: నవరంగపూర్ జిల్లా ఉమ్మర్ కోట్ సమితి చికలపొదర పంచాయతీ పరిధిలోని అడవిలో ఓ మహిళ మృతదేహాన్ని పోలీసులు స్వాధీనం చేసుకున్నారు. మృతురాలు కొండగావ్ గ్రామంలో ఒంటరిగా నివాసముంటున్న బాలబిందర కౌర (59)గా గుర్తించారు. కొండగావ్‌ గ్రామానికి చెందిన కౌర.. ఇంట్లో ఆహార్ తయారు చేసి విక్రయిస్తూ ఉండేది. ఆమె రెండు రోజులుగా కనిపించటం లేదని స్థానికులు పేర్కొన్నారు. ఈ క్రమంలో శనివారం చికలపోదర పంచాయతీ పరిధిలోని అడవిలో ఆమె మృతదేహం లభ్యమైంది. పోలీసులు కేసు నమోదు చేసి దర్యాప్తు చేపట్టారు.