CPM | తెలంగాణ రైతాంగాన్ని ఆదుకునేందుకు కేంద్రం రూ.50 వేల కోట్లు నష్టపరిహారంగా అందించాలి : సీపీఎం

తాండూర్ : కేంద్ర, రాష్ట్ర ప్రభుత్వాలకు ముందస్తు ప్రణాళిక లేకపోవడం వల్ల తెలంగాణలో కరువు ఏర్పడి పంటలు నష్టపోయాయని సీపీఎం ( CPM ) రాష్ట్ర కార్యదర్శి జాన్ వెస్లీ ( John Wesley) ఆరోపించారు. రైతాంగాన్ని ఆదుకునేందుకు కేంద్రం తక్షణమే రూ. 50వేల కోట్ల నష్టపరిహారం ( Compensation ) ప్రకటించాలని డిమాండ్ చేశారు.

గురువారం తాండూర్ మండలంలో సీపీఎం రాష్ట్ర బృందం కరువు వల్ల నష్టపోయిన రైతుల పత్తి పంటలను సందర్శించారు. ఈ సందర్భంగా ఆయన మాట్లాడుతూ .. తెలంగాణలో కరువు తాండవిస్తున్నప్పటికి కేంద్ర, రాష్ట్ర ప్రభుత్వాలు పట్టించుకోవడం లేదని విమర్శించా రు. రాష్ట్ర ప్రభుత్వం ప్రతి మండలంలో నిర్థిష్ట చర్యలు తీసుకోవాలని డిమాండ్ చేశారు. మంచిర్యాల జిల్లాలో 11 మండలాలు కరువు మండలాలుగా ప్రకటించినప్పటికీ అందులో తాండూర్ మండలం ప్రకటించలేదని పేర్కొన్నారు.