‘నీటి వ‌న‌రుల‌ సంరక్షణతో ప్రత్యామ్నాయ పంటల సాగు చేపట్టాలి’

– రైతులకు వ్యవసాయ శాఖ అధికారుల‌ అవగాహన

ఎర్రుపాలెం, అక్టోబర్ 17 : నీటి వనరులను సంరక్షిస్తూ, తక్కువ నీటితో సాగు చేయగల ప్రత్యామ్నాయ పంటలను ఎంచుకోవాలని వ్యవసాయ శాఖ అధికారులు రైతులకు సూచించారు. ప్రస్తుత వాతావరణ పరిస్థితులు, ఎల్‌నినో ప్రభావం నేపథ్యంలో ఎర్రుపాలెం మండలం తక్కెళ్లపాడు గ్రామంలో సర్పంచ్ ముక్కర రామకృష్ణారెడ్డి ఆధ్వర్యంలో శ‌నివారం రైతులకు అవగాహన ర్యాలీ నిర్వహించారు. ఈ సందర్భంగా నీటిని పొదుపుగా వినియోగించుకోవడం, అందుబాటులో ఉన్న నీటి వనరులను కాపాడుకోవడం, వాతావరణ పరిస్థితులకు అనుగుణంగా పంటలను ఎంపిక చేసుకోవడంపై రైతులకు అవగాహన కల్పించారు.