వారూ పుణ్యతీర్థాలే

సత్పురుషుల సాన్నిధ్యం తీర్థక్షేత్రాలతో సమానం. జితేంద్రియులై, జీవితాలను ఆధ్యాత్మిక సాధనలకే అంకితం చేసిన పవిత్రమూర్తులు పుణ్యధామాలకు ప్రతిరూపాలు. ఆశ్రయించిన జిజ్ఞాసువులను వారు తమ జ్ఞానభిక్షతో అత్యున్నత స్థితికి చేరుస్తారు. అందుకే తాపసులు, ధార్మికులు నడయాడిన తావులు కాలాంతరంలో పారమార్థిక పిపాసకులకు సాధనాక్షేత్రాలై విరాజిల్లుతాయి. ఆ భావనతోనే ధర్మరాజు ఓ సందర్భంలో చిన్నాన్న అయిన విదురుణ్ని ప్రస్తుతిస్తూ ‘మీకంటె మిక్కిలి తీర్థంబులున్నవే?’ అని అంజలి ఘటిస్తాడు. మీలోనే భగవంతుడు కొలువై ఉన్నాడని, మీరే పుణ్యక్షేత్రాలకు సమానులని, మీవంటి మహాత్ములను సందర్శించి, సంభాషించడం ఆలయ దర్శనం వంటిదని గౌరవప్రపత్తులను…

పాండురాజు కన్నుమూసిన తర్వాత కౌరవులు పాండవులను ఎన్నో బాధలు పెట్టారు. ఆ కష్టకాలంలో వదిన అయిన కుంతీదేవినీ, అన్న కుమారులైన పాండుపుత్రులను కంటికి రెప్పలా విదురుడే కాపాడాడు. ధృతరాష్ట్ర, దుర్యోధనాదులు ఎంత ప్రలోభపెట్టినా ప్రభావితం కాకుండా, ధర్మపక్షపాతిగానే నిలిచాడు. పైకెగరలేని తమ పసిపిల్లల్ని రెక్కల్లో దాచుకుని ప్రేమగా రక్షించే పక్షులలాగా, మీరెంతో దాక్షిణ్యంతో మా పక్షం వహించారంటూ ధర్మరాజు ఆ మహానుభావుడికి పాదాభివందనం చేస్తాడు.